Örugglega flest ykkar fengu að heyra það þegar þið voruð yngri að þið ættuð ekki að bora í nefið. Það væri sóðalegt og vont fyrir mann. Það er kannski sóðalegt en vísindamenn segja að það sé hollt fyrir mann.
Vísindamaðurinn og lungnasérfræðingurinn Friedrich Bischinger hefur gert rannsóknir á hori og er búinn að komast að þeirri niðurstöðu að hor sé virkilega gott fyrir mann, og þá sérstaklega lítil börn.
Samkvæmt niðurstöðunum hans þá hefur það fleiri kosti en galla að taka eina góða horslummu og borða hana. Í hori eru góðar bakteríur sem gera tennur sterkar og koma í veg fyrir skemmdir.
Þessar bakteríur geta líka hjálpað til við magaverki eða ógleði. Þannig að næst þegar þér líður eitthvað illa þá mælir hann með því að safna saman smá hori og borða það í rólegheitunum.
Friedrich segir að þeir sem að borða hor séu hamingjusamari og heilsuhraustari en aðrir. Hann segir að hor geti komið í staðinn fyrir mörg lyf og að þeir séu að vinna í því að búa til vöru úr hori sem verður eins og tannkrem eða tyggjó.
Friedrich og hans teymir eru ekki einu vísindamennirnir sem hafa komist að þessari niðurstöðu.
Þannig að ef þig langar að vera í toppmálum þá virðist hor vera málið. Þú ættir samt kannski ekki að gera þetta mikið á almannafæri þar sem það er ennþá litið á þetta sem einhvern viðbjóð.
En ég meina, ef það er nógu gott fyrir páfann …