Fyrir átta árum gerði grínistinn Ari Eldjárn stuttmynd sem var byggð á raunverulegum samtölum úr heitum pottum Vesturbæjarlaugar í apríl og maí 2008. Myndin heitir Ber er hver að baki og hægt er að horfa á hana hér fyrir neðan.
Myndin var sýnd í fyrsta og eina skiptið opinberlega á Patreksfirði á Skjaldborgarhátíðinni 2008. Ari segir á Facebook-síðu sinni að samtölin lýsi að hluta til þeirri ringulreið sem var í gangi hálfu ári fyrir hrun „og tilraunum leikmanna til að skilja ný hugtök á borð við skortsölu.“
Samtölin eru á köflum stórkostleg og myndin í heild er frábær skemmtun. Horfðu hér fyrir neðan.