„Ég býð upp á athafnir, þar sem ég nota lyf sem heitir sveppur,“ segir upplýsingamiðillinn Brynjúlfur. Hann er eigin sögn þjónn lífsins og meistari orkunnar.
Kristín Péturs, útsendari Nútímans, hitti Brynjúlf á heimili hans og ræddi við hann um meðferðirnar sem hann býður upp á. Horfðu á myndbandið hér fyrir ofan.
„Lyfið er ósköp einfalt. Lyfið er hreint,“ segir hann um sveppina. Rétt er að taka fram að sala á ofskynjunarsveppum er ólögleg og Nútíminn hvetur engan til að neyta þeirra. Við vildum bara spjalla við Brynjúlf.
Eitt sem mig langar að koma inn á. Mig langar að hreinsa orkuna í kringum sveppi. Það sem ég finn er spenna frá umhverfinu.
Brynjúlfur hefur áhuga á að breyta þessari spennu. „Bjóða upp á breytingar. Þetta er ólöglegt. Það er það sem mín vitneskja er um. Samfélagið er á móti þessu á ákveðinn hátt,“ segir hann.
„Þetta er það sem breytti mér til hins betra. Algjörlega. Þannig að ég hef áhuga á að biðja lögregluna og yfirvaldið að virða mína vinnu. Ég gefst ekki upp. Ég hef ekki áhuga á því. Það að koma hingað og angra athöfn er ofbeldi.“
Horfðu á viðtalið við Brynjúlf hér fyrir ofan.