Spjallþáttastjórnendurnir Stephen Colbert og Jimmy Fallon sýndu samstöðu gegn Donald Trump Bandaríkjaforseta eftir að forsetinn gagnrýndi þá í ræðu á kosningafundi á mánudag.
Í ræðu sinni kallaði Trump þá Colbert og Fallon aumingja (e. lowlife) og týndar sálir (e. lost souls). „Í alvörunni, er þetta fólk fyndið? Þeir hafa enga hæfileika. Þeir eru ekki hæfileikaríkir einstaklingar,“ sagði Trump á kosningafundinum.
Spjallþáttastjórnendurnir tóku ummælin fyrir í þáttum sínum í gær og gerðu stólpa grín að forsetanum með hjálp frá þriðja spjallþáttastjórnandanum, spéfuglinum Conan O’Brien.
Í myndbandinu sést Colbert spjalla við Fallon í tölvunni. „Ég heyrði að hann hefði sagt mjög slæma hluti um okkur,“ segir Fallon og vitnar þá til ræðu forsetans.
„Í alvöru? Það hljómar ekki eins og hann,“ svarar Colbert, áður en hann bætir O’Brien við í spjallið.
Sjáðu þetta sprenghlægilega spjall þeirra félaga hér