Rapparinn Góði Úlfurinn hefur slegið í gegn eftir að hann gaf út lagið Græða peninginn. Í viðtali á Nútímanum fyrr í vikunni sagði hann að rapparinn Jói P væri ein af fyrirmyndunum sínum. Jói P er einn heitasti rappari landsins um þessar mundir og er að gera allt vitlaust með laginu B.O.B.A ásamt Króla, félaga sínum.
Góði Úlfurinn varð tíu ára í gær og Nútíminn fékk Jóa P til að kíkja á hann og koma honum á óvart en Úlfur var reyndar gríðarlega rólegur yfir þessu öllu saman.
Jói spurði meðal annars hvað ömmu Úlfs finnst um lagið en í textanum segist hann fara til hennar að borða köku. „Henni finnst þetta mjög flott hjá mér. Ég var að tala um hana í laginu og hún er mjög stolt af mér. Allir eru mjög stoltir af mér,“ sagði hann.
Horfðu á myndbandið hér fyrir ofan.