Handboltakappinn Sigfús Sigurðsson mætti illa lyktandi á æfingar og í misjöfnu ástandi þegar hann var virkur alkahólisti. Hann segir sögu sína í þættinum Ný sýn í Sjónvarpi Símans kl. 20 í kvöld en þátturinn er framleiddur af Skot Productions. Sjáðu brot úr þættinum hér fyrir ofan.
„Maður var að mæta illa lyktandi á æfingar og í misjöfnu ástandi. Mér fannst samt eiginlega ekkert vera að hjá mér, þetta var bara vitleysa í þessu liði. Ég ætlaði bara að sýna þessu pakki að ég gæti verið edrú, ætlaði að vera edrú fram á sumarið, fá mér svo pítsu og bjór,“ segir Sigfús meðal annars í viðtalinu.
Fimm árum eftir að Sigfús fagnaði með íslenska karlalandsliðinu í handbolta og íslensku þjóðinni eftir að liðið landaði sigri á Ólympíuleikunum var hann farinn að vinna í fiskbúð og segir hann að það hafi verið gæfuspor í lífi hans.