Sam Carter, söngvari þungarokkhljómsveitarinnar Architects, stöðvaði tónleika hljómsveitarinnar í Hollandi á dögunum til að láta karl sem hann sá áreita konu kynferðislega heyra það.
Tónleikarnir fóru fram á Lowlands-hátíðinni í Biddinghuizen en konan hafði stokkið í áhorfendaskarann og látið sig fljóta ofan á honum. Sam sagðist hafa séð mann grípa í brjóst hennar og stöðvaði tónleikana í kjölfarið til að senda skýr skilaboð.
„Þetta er ógeðslega og þetta er enginn staður fyrir slíkt,“ sagði hann. Myndband af ræðunni hefur slegið í gegn á Twitter. Horfðu á myndbandið hér fyrir ofan.
Þetta er ekki líkaminn þinn og þú grípur ekki svona í fólk. Ekki á tónleikunum mínum.
Hann óskaði svo eftir því að þau sem ætluðu að áreita fólk á tónleikunum myndu yfirgefa svæðið.