Auður gefur út nýtt myndband: „I’d Love“

Í morgun sendi tónlistarmaðurinn Auður frá sér myndband við lagið I’d Love (sjá hér fyrir ofan) en lagið rataði einnig inn á Spotify í dag. 

Myndbandinu leikstýrði Auður sjálfur með aðstoð frá Ágústi Elí.

Myndbandið hefur fengið góðar viðtökur á Facebook en ýmist áhrifafólk úr íslensku tónlistarsenunni hefur þegar hrósað myndbandinu, þar á meðal útvarpsmaðurinn Atli Már Steinarson sem stýrir útvarpsþættinum Rabbabari á RÚV ásamt Sölku Sól Eyfeld:

„Þetta gæti mjög auðveldlega verið eitt nettasta tónlistarmyndband sem ég hef séð. Big ups Auðunn Lúthersson!“

– Atli Már Steinarson (útvarpsmaður)

Söngkonan Steinunn Jónsdóttir (Amaba Dama), plötusnúðurinn DJ B-Ruff og pródúsentinn Young Nazareth hafa öll tekið í sama streng.

Þess má geta að Auður kemur fram á Iceland Airwaves tónlistarhátíðinni  og stígur á svið miðvikudaginn 1. nóvember á Húrra klukkan 00:20 og föstudaginn 3. nóvember í Listasafni Reykjavíkur klukkan 19:20.

Nánar: https://icelandairwaves.is/sche…