​Gámagrams

Með allri matarsóun sem viðgengst í heiminum mælir SKE með því að fólk fari í gáma og ,,veiði“ sér til matar. Þetta er engin bölsýni, bara veruleikinn. Þessi iðja (e. dumpster-diving) hefur fleytt mörgum námsmanninum áfram um heim allan og þeim sem annt er um að draga úr sóun. Umgjörðin í kringum þann mat sem er í gámunum er ekki beint lystvekjandi en best er að leiða hugann að því þegar þú ert kominn á kaf í gáminn að maturinn sem þú ert að fiska eftir verður vonandi ekki borðaður þar á stundinni heldur í huggulegri aðstæðum. Kosturinn er að maturinn er ókeypis – gallinn er sá að hann er í gámi. Kosturinn við mat í matvörubúð er að hann er í aðlaðandi umhverfi og oft ferskari – gallinn er að hann kostar peninga.