SKE Tónlist
Í dag (18. febrúar) rataði myndbandsútgáfa af fyrsta þætti („pilot“) hlaðvarps SKE á netið (sjá hér að ofan). Hlaðvarpsþátturinn sjálfur verður birtur á næstu dögum í fullri lengd.
Hljóðblöndun: Eiríkur Sigurðarson
Ráðgjöf: Anna Marsý
Raddir: Ragnar Tómas & Arnar Jóns
Upptaka: Benedikt Freyr
Sérstakar þakkir: Óttarr Proppé
Í fyrsta þættinum er platan Illmatic eftir bandaríska rapparann Nas tekin fyrir. Eins og fram kemur í þættinum gagnrýndi Óttarr Proppé, fyrrum heilbrigðisráðherra, plötuna árið 1994 fyrir tímaritið Eintak. Í dómnum gefur Óttarr tvívegis til kynna að Nas sé, í raun, ekki
rappari í eintölu—heldur hópur rappara í fleirtölu. Þá fær Illmatic aðeins eina stjörnu af fjórum mögulegum.
Nánar: https://timarit.is/view_page_i…
Í samtali við SKE í janúar sagði Óttarr að fyrir tilkomu internetsins var það gjarnan torvelt fyrir blaðafólk að afla sér heimildir:
„Á þessum tíma fyrir tíma internetsins var gjarnan óhægt um heimildaöflun, sérstaklega fyrir smágreinar af þessu tagi—sem engan grunaði heldur að ættu mikið meira en skammlífi.“
– Óttarr Proppé
Að lokum má þess geta að útgangspunktur hlaðvarps SKE er Frelsi; í seríunni mun ritstjórn SKE velta hugtakinu Frelsi fyrir sér og þá í samhengi við tónlist.
Hér fyrir neðan er svo Illmatic á Spotify.