Síðastliðinn föstudag (12. maí) sendi rapparinn $igmund frá sér myndband við lagið Trappa harðar. Lagið er að finna á EP plötunni 101/Tokyo sem kom út í nóvember í fyrra.
„Ég er uppalinn í Vesturbænum en titill plötunnar vísar í dvöl mína í Japan – í Trappa harðar má einnig heyra nokkrar skírskotanir í viðdvöl mína í Japan.“
– $igmund
Þess má geta að $igmund gaf út fyrstu EP plötuna sína Glópagull í maí 2016. Frá útgáfu plötunnar hefur rapparinn spilað á tónlistarhátíðum á borð við Secret Solstice og Iceland Airwaves ásamt því að hafa gefið út myndbönd við lögin Shibuya, Ertu til, Í gegnum nóttina og Alltof hratt.
Nánar: https://www.sigmundskrr.com/