Íslendingum snýst hugur um Ronaldo: sjáðu myndbandið

Eftir leik Íslands og Portúgals í riðlakeppni EM í fótbolta varð Ronaldo fljótlega að illmenni í augum þjóðarinnar, en eins og frægt er orðið lét hann þau orð falla að íslenska landsliðið hugsaði smátt og væri það ástæðan fyrir því að þeir myndi aldrei vinna neitt. Í kokkteilboðum, á vinnustöðum og á öllum öðrum samkomustöðum Íslendinga var biturleiki og barnaskapur Ronaldo ræddur og voru fáir sem komu honum til varnar. Í dag, hins vegar, virðist sem hugur margra Íslendinga hefur snúist sérstaklega ef marka má nýlegar deilingar á samfélagsmiðlum þar sem ofangreint myndband kemur oftar en ekki við sögu. Í myndbandinu er saga og breytni þessa víðfræga Portúgala reifuð og teiknar myndbandið óneitanlega upp samúðarfulla mynd. Rauði Krossinn gaf það út fyrir stuttu að Ronaldo væri sá íþróttamaður sem hefur gefið hvað mest til mannúðarmála undanfarinn áratug.