Fréttir
Í maí lét bandaríski tónlistarmaðurinn Kanye West þau ummæli falla að þrældómur þeldökkra í Bandaríkjunum verkaði á hann sem val („slavery was a choice“).
Nánar: https://www.bbc.com/news/world…
Fóru þessi ummæli West fyrir brjóstið á mörgum og ef eitthvað er að marka nýjasta myndband taktsmiðsins DJ Muggs—sem er hvað þekktastur sem einn af meðlimum hljómsveitarinnar Cypress Hill—við lagið Assassination Day (Trust No One) þá féllu þessar hugleiðingar West ekki í kramið hjá Muggs; í myndbandinu er teiknimyndaútgáfa af Kanye West ráðinn af dögum af ónefndum leigumorðingja (sjá hér að ofan). Lagið skartar rapparanum MF Doom en myndbandinu leikstýrði DJ Muggs sjálfur. Myndskreytingar voru í höndum Patric Magno og Edgar Neri.
Lagið Assassination Day (Trust No One) er að finna á plötunni Soul Assassins: Dia Del Asesinato sem kom út síðastliðinn 10. ágúst. Alls geymir platan 12 lög en ásamt MF Doom koma rapparar á borð við Raekwon, Kool G Rap og Freddie Gibbs einnig við sögu á plötunni.
Nánar: https://www.hotnewhiphop.com/d…
Platan er aðgengileg á Spotify.