Pastor Troy er gleymdur og grafinn rappari frá Flórídafylki sem á gífurlega erfitt með að horfa upp á samkynhneigða karlmenn vinna Grammy verðlaunin og hann er ekki feiminn við að láta vita af því.
Í reiði sinni yfir velgengni Lil Nas skellti Pastor Troy í gífurlega langa og erfiða færslu á Instagram sem hann er að sjálfsögðu búinn að eyða núna. Það helsta sem þar kom fram að hann á erfitt með að sjá samkynhneigða í sjónvarpinu og telur það fara illa með börnin og með færslunni fylgdi mynd af Lil Nas X.
Lil Nas var bara léttur og svaraði Predikaranum með kímni og birti mynd af færslu Pastor Troy á Twitter síðu sinni með yfirskriftinni „djöfull lít ég vel út á þessari mynd.“