Íslenskt
Síðastliðinn 30. september gaf rapparinn Góði Úlfurinn út myndband við lagið Græða peninginn á Youtube (sjá hér fyrir ofan) – en í dag hefur ýmist áhrifafólk innan íslensku rappsenunnar skipst á því að hæla laginu.
„Þetta er feitt,“ segir Lord Pusswhip í athugasemdakerfi Youtube. Countess Malaise – sem hefur sannað sig sem einn af nýliðum ársins, og sem nýverið gaf út myndband við lagið Psycho ásamt CYBER – tekur undir orð Pusswhip: „Snillingur.“ „Sjúkt nett!“ bætir rapparinn Króli við.
Ef eitthvað er að marka texta lagsins þá er rapparinn í 4. bekk:
Ég er tuttugu og sex í fjórða bekk /
Eini sem er með skegg í þessum bekk /
– Góði Úlfurinn
Rapparinn Joey Christ deildi einnig myndbandinu á Facebook-síðu sinni en í kjölfarið viðraði rapparinn Herra Hnetusmjör þá hugmynd að lagið yrði endurhljóðblandað (sumsé, að gert yrði „remix“ af laginu).
Emmsjé Gauti tók vel í hugmyndina ásamt Króla (sjá hér fyrir neðan).
Vonandi að hugmyndin verði að veruleika.