Hljómsveitin Seint hafa sent frá sér glænýtt myndband við lagið Einn Tveir Þrír. Myndbandinu leikstýrði Jón Smári Tómasson og var kvikmyndataka í höndum Bjarna Svans Friðsteinssonar. Ske heyrði í Joseph Cosmo, forsprakka sveitarinnar og fékk hann til að segja aðeins frá myndbandinu.
„Þetta er ádeila á nútímavæðingu popp-kúltúrsins í samfélaginu. Þessi nútímavæðing er mjög aðlaðandi svona séð að utan, en þegar betur er að gáð er ekki alltaf allt með felldu þar. Þess vegna er svo mikilvægt að horfa ekki einungis til annarra til viðmiðunar heldur þarf maður að setja sitt af mörkum og njóta þess að skapa, njóta þess að hafa gaman og einfaldlega vera til.“
Þar höfum við það, orð í tíma töluð. Hér höfum við svo myndbandið.