Kanye West frumsýndi myndband við lagið sitt Famous í gær í Los Angeles (sjá myndband hér fyrir ofan). Myndbandið þykir mjög umdeilt og eftir útgáfu þess hefur Kanye West skorað á „fólkið“ í myndbandinu til þess að lögsækja sig. Sumum þykir myndbandið fullkomið dæmi um „clickbait“ menninguna sem virðist ráða ríkjum á internetinu, en nú þegar hafa eflaust margir smellt á fyrirsagnir á borð við:
https://www.syracuse.com/celebrity-news/index.ssf/2… – Kanye West puts naked Taylor Swift, Rihanna, Trump, Cosby in new Famous video
https://www.washingtonpost.com/news/arts-and-enter… A ‘Who’s Who’ guide to the naked celebrities in Kanye’s new NSFW music video
https://www.billboard.com/articles/columns/hip-hop/… Kanye West nuzzles naked Taylor Swift, Donald Trump and Bill Cosby in Famous video
https://www.thedailybeast.com/articles/2016/06/25/k… Kanye West’s Famous video boasts bizarre orgy with Donald Trump and Taylor Swift
Í viðtali við Vanity Fair sagði Kanye West að myndbandið væri ádeila á frægðina, en myndbandið skartar 12 heimsþekktum einstaklingum sem liggja nakin upp í gríðarstóru rúmi (ásamt Kanye West sem liggur í miðjunni). Þessi sena, sem var hugarfóstur bandarískra málarans Vincent Desiderio, hafði mikil áhrif á Kanye sem ákvað að skjóta myndband út frá senunni.
Val leikenda þykir sérdeilis umdeilt (hér er smá samhengi):
Taylor Swift – Nafn Taylor Swift kemur fram í texta lagsins: „I feel like me and Taylor might still have sex: I made that bitch famous.“ („Mér finnst eins og ég og Taylor eigum enn eftir að stunda kynlíf: Ég gerði þessa tæfu fræga.“
Bill Cosby – Hefur verið ásakaður um gróft kynferðisofbeldi í gegnum árin og var dreginn fyrir dóm fyrir stuttu. Kanye West sagði eitt sinn að Bill Cosby væri saklaus.
Rihanna og Chris Brown – Áttu í stormasömu sambandi þar sem hinn síðargreindi beitti Rihanna grófu heimilisofbeldi.
Donald Trump – Hefur löngum verið úthrópaður sem karlremba. Sagði eitt sinn í viðtali: „Mér líkar vel við Kanye, hann hefur alltaf verið góður við mig.“
Caitlyn Jenner – Áður Bruce Jenner. Fór í kynleiðréttingu í fyrra og var síðan valin Kona ársins af tímaritinu Glamour.
Amber Rose – Fyrrverandi kærasta Kanye sem hefur verið skotspónn „slut-shamers“ síðustu misseri.
George Bush – Þegar fellibylurinn Katrina reið yfir New Orleans lét Kanye þau ummæli falla að „George Bush væri alveg sama um þeldökkt fólk.“
Anna Wintour – Ritstjóri Vogue sem átti hugmyndina að því að Kim og Kanye voru á forsíðu blaðsins.
Kim Kardashian og Ray J – Kim Kardashian er konan hans Kanye West og Ray J er fyrrverandi kærastinn hennar. Kynlífsmyndband Ray J og Kim Kardashian lak á netið og má rekja frægð Kim Kardashian til þessa leka.
Í viðtalinu segist Kanye hafa gert sitt besta til þess að forðast þess að myndbandið yrði of „kynferðislegt.“ Hvort að það hafi tekist er ómögulegt að segja; sitt sýnist hverjum.