Í stefnu sem oft og tíðum einkennist af hugsunarleysi og óskiljanleika er ávallt ánægjulegt að hlýða á skýrmælta textasmiði sem hafa eitthvað að segja – eða, að minnsta kosti, segja ekkert á áhugaverðan hátt.
Roam the Earth like Bedouins and Berbers /
The great ancient goat herder, emerging through your server /
– Jay Electronica
Fired up, his own boss on strike /
Accused of using hot pepper sauce on the mic /
– MF DOOM
Þannig hljóða tvö textabrot úr laginu True Lightyears sem rapparinn MF Doom gaf út síðastliðinn 16. ágúst.
Lagið skartar hinum óviðjafnanlega Jay Electronica og verður jafnframt að finna á plötunni Crack in Time sem er væntanleg frá hljómsveitinni KMD. Bítið minnir helst á Special Herbs plöturnar sem Doom gaf út í kringum aldamótin síðustu.
Líkt og áður hefur komið fram á SKE.is hyggst MF Doom gefa út nýtt lag næstu 13 vikurnar. Útgáfan er hluti af herferð rapparans og Adult Swim sem ber titilinn The Missing Notebook Rhymes.