Atli Fannar Bjarkason fór að venju yfir fréttir vikunnar í þættinum Vikan með Gísla Marteini á Rúv í gærkvöldi. Atli ræddi meðal annars lengsta áætlunarflug í sögu íslenskrar flugsögu og Klaustursmálið. Hann reyndi að létta andrúmsloftið með myndbandi af mörgæsum í jólabúning en þrátt fyrir það endaði hann nakinn og týndur.
Sjá einnig:Fögnuðu lengsta áætlunarflugi í sögu Íslands en notuðu rangan fána
„Það er gott að það versta hafi komið fram í síðustu viku, ég meina við heyrðum hræðilega hluti. Málið gat varla versnað, er það nokkuð?“ spurði Atli þegar hann ræddi Klaustursmálið en hafði svo sannarlega rangt fyrir sér.