Nú stendur til að opna bar sem mun heita í höfuðið á sjónvarpsmanninum Guðmundi Benediktssyni þar sem Húrra var áður í miðbæ Reykjavíkur. Barinn mun einfaldlega heita Gummi Ben bar. Guðmundur deildi þessu í færslu á Twitter síðu sinni og staðfesti fregnirnar í samtali við mbl.is.
Sjá einnig: Tíu gullmolar Gumma Ben úr leik Íslands og Englands: „KING RAGGI! KING RAGGI!“
Samkvæmt heimildum Fréttablaðsins stóð til að opna barinn 9. ágúst næstkomandi, samhliða fyrstu leikjum í ensku úrvalsdeildinni í fótbolta. Það er þó ekki víst að það takist.
Skemmistaðurinn Húrra lokaði nýlega en húsnæðið er í eigu Andrésar Þórs Björnssonar og Ómars Ingimarssonar. Gummi hefur þó ekki tjáð sig um það hver standi að opnun barsins með honum.
Soon ? pic.twitter.com/5ebnjbbaC1
— Gummi Ben (@GummiBen) July 28, 2019