Fréttir
Í gær (23. júlí) gáfu rappararnir Tyler, the Creator og ASAP Rocky út myndband við lagið Potato Salad (sjá hér að ofan). Myndbandið var tekið upp í París og bregður tónlistarmaðurinn og leikarinn Jaden Smith fyrir.
Potato Salad er í raun hluti af öðru myndbandi (AWGE DVD Vol. 3) sem fjöllistahópurinn AWGE gaf út í gær (A$AP Rocky stofnaði AWGE í fyrra).
Nánar: https://www.awgeshit.com/#awge…
Í laginu Potato Salad rappa félagarnir yfir bítið Knock Knock sem söngkonan Monica gaf út árið 2003 (sjá neðst). Knock Knock pródúseraði Kanye West í samstarfi við Missy Elliott.
Athygli vekur að undir lok myndbandsins ýja rappararnir að því að ný plata, að nafni WANGSAP, sé í vændum. Líkt og fram kemur á Pitchfork hafa Tyler og ASAP áður starfað saman, og gáfu þeir meðal annars út lagið Telephone Calls sem er að finna á plötunni Cozy tapes Vol. 1: Friends- eftir A$AP Mob og lagið Who Dat Boy sem er að finna á plötunni Flower Boy sem Tyler, the Creator gaf út í fyrra.
Nánar: https://pitchfork.com/news/tyl…