Fréttir
Eins og frægt er orðið gaf tónlistarmaðurinn Justin Bieber út myndband við lagið I’ll Show You fyrir tveimur árum síðan en myndbandið var alfarið tekið upp hér á landi (sjá neðst). Síðan þá hefur myndbandið verið skoðað hátt í 400 milljón sinnum á Youtube.
Nýverið snéri leikstjóri myndbandsins, Rory Kramer, aftur til Íslands og í gær (24. október) sendi hann frá sér annað myndband sem hann skaut hér á landi (sjá hér fyrir ofan). Ekki er um að ræða tónlistarmyndband í þetta skiptið heldur einskonar ferðamyndband en slík myndbönd hafa notið mikilla vinsælda á Youtube undanfarin misseri.
Í myndbandinu snýr leikstjórinn, meðal annars, aftur á nokkra þekkta tökustaði frá myndbandinu við lagið I’ll Show You:
„Nú er ég kominn aftur til eins goðsagnakenndasta staðar sem ég hef nokkurn tímann skotið á.“
– Rory Kramer
Kramer deildi myndbandinu í morgun á Facebook-síðu sinni og hefur það fengið góðar viðtökur.
Nánar: https://www.facebook.com/roryt…