Fréttir
Allt frá því að bandaríski rapparinn Wynne—sem heitir réttu nafni Sina Wynne Holwerda—gaf út myndband við lagið CVTVLYST (sjá hér að ofan) hafa aðdáendur beðið í ofvæni eftir nýju efni; Wynne, sem er aðeins tvítug, þykir með eindæmum lipur rappari og kemur það því ekki á óvart að henni er iðulega líkt saman við kollega sinn Eminem (virkir í athugasemdum verða seint sakaðir um frumlegheit).
Síðastliðinn 11. september gátu aðdáendur rapparans tekið gleði sína á ný og þá með útgáfu lagsins Buzzer (sjá hér að neðan) en um ræðir fyrsta myndbandið sem Wynne gefur út í eitt og hálft ár.
Líkt og fram kom í viðtali sem Wynne veitti tímaritinu Ethos, í apríl á þessu ári, eru margir á því að rapparinn eigi eftir að festa sig í sessi innan rappsenunnar.
Þess má einnig geta að Wynne státar sig af 75.000 fylgjendum á Instagram og 43.000 á Twitter en fyrir tveimur dögum síðan bættist Missy Elliot í hóp aðdáenda á Twitter (https://www.instagram.com/p/Bn…)
Ethos: https://ethosmagonline.com/wyn…
Áhugasamir geta einnig hlýtt á tónlist Wynne á Spotify og á SoundCloud.
Soundcloud: https://soundcloud.com/sinawyn…
Hér má svo sjá brot af freestyle-i sem Wynne gaf út á Twitter en netverjar horfðu á myndbandið yfir þremur milljón sinnum.